Претстојниот флегшип уред на Realme, наречен GT2 Pro, ќе биде лансиран на 20 декември. Оваа вест беше потврдена од основачот и Извршен директор на Realme, Скај Ли на Твитер, заедно со ветувања за неколкуте први светски иновации и револуционерен дизајн. GT2 Pro ќе биде меѓу првите флегшип Android модели што ќе бидат објавени со Snapdragon 8 Gen 1 чипсет на Qualcomm, а врз основа на претходните информации, ќе нуди селфи камера под екранот, како и интересен дизајн на визирот на камерите на задната страна.
Во претходните информации видовме дека Realme GT2 Pro е сертифициран со 65W полнење во 3C кинеската база на податоци. Уредот доаѓа со претходно виден број на моделот RMX3300, додека неговиот полнач може да се пофали со VCA7JACH идентификатор.
Се шпекулира и дека Realme GT2 Pro ќе донесе 6,51-инчен FHD+ AMOLED екран со стапка на освежување од 120Hz, LPDDR5 RAM и до 1TB UFS 3.1 складирање. Тоа ќе биде и првиот уред што ќе работи на Realme UI 3.0 базиран на Android 12.