Oppo го најави доаѓањето на својот прв смартфон на преклоп речиси три години по претставувањето на прототипот.

Find X наликува на Galaxy Fold на Samsung и е резултат на четиригодишен интензивен развој и шест генерации прототипи. Официјалната презентација ќе се одржи на Oppo Inno Day настанот закажан за 15 декември.

Компанијата не откри детали за процесорот, екранот и другите спецификации, објавија само рендер и видео. Oppo ветува „убав уред“ кој добро ќе лежи во рака, кој ќе биде едноставен за користење во отворена и затворена форма и кој нема да има проблеми со наборите на екранот и издржливоста на самиот уред.

Покрај флексибилниот смартфон, Oppo ќе претстави и други производи. Oppo Inno Day се одржува на 14 и 15 декември.