Приоритет за компјутерот е батеријата да има доволно енергија за да го запали моторот
Старт/стоп системите на автомобилите се стандардни. Постојаното исклучување на моторот кога го запирате возилото заштедува гориво и ги намалува емисиите на CO2. Сепак, особено во зимските месеци, старт/стоп системот често нема да го исклучи возилото кога, на пример, ќе го запрете на семафор. Зошто е тоа така?
Ако е ладно и сте вклучиле електрични потрошувачи, светлата, грејачот на задното стакло, клима уредот или бришачите, компјутерот може да процени дека вклучувањето на старт/стоп системот е опасно за батеријата на возилото и нема да го исклучи моторот. Приоритет за компјутерот е батеријата да има доволно енергија за да го запали моторот. Така, го оневозможува старт/стоп во случај батеријата да биде толку испразнета што моторот нема да се рестартира. Инаку, батеријата што го поддржува системот старт/стоп обезбедува до 500.000 циклуси на палење и гаснење на возилото.
Старт/стоп нема да интервенира кога моторот е ладен. Компјутерот знае дека моторот е најефикасен кога е целосно загреан. Затоа, ќе го одржува моторот да работи додека не ја достигне оптималната температура. Црвениот симбол за старт/стоп системот (буквата A опкружена со линија со стрелка) или некоја друга порака дека системот не работи или го гаси моторот ќе се појави на таблата со инструменти.
Старт/стоп системот нема да работи и кога е избран степен за возење во рикверц, кога е активна помошта за паркирање и кога возите по нагорнина. Исто така, не работи кога хаубата е отворена или кога го откопчувате безбедносниот ремен.
Извор: Додај Гас