MateBook E е целосно нов 2-во-1 таблет во екосистемот на Huawei. Го покренува Windows 11 и Intel core i5 и i7 процесорите од 11 генерација, како и Intel Iris X графика. Сите верзии доаѓаат со OLED екрани од 12,6 инчи со резолуција од 2560 x 1600 пиксели и поддршка за Huawei M-Stylus.

Huawei нуди и паметна магнетна тастатура или лизгачка тастатура што потсетува на Magic Keyboard на Apple, во зависност од конфигурацијата на MateBook E. Уредот поседува 8/16 GB LPDDR4x RAM и 256/512 GB PCIe NVMe SSD простор за складирање. Тука е и предната камера од 8 MP и задната камера од 13 MP.

I/O се состои од единствен Thunderbolt 4 интерфејс, кој исто така управува со полнењето и 3,5 милиметарскиот приклучок за слушалки. MateBook E поддржува WiFi 6 конекција и  Bluetooth 5.1. Поседува и батерија од 42 Wh, четири звучници и четири микрофони.

Моделот core i5 со 8 GB RAM и 256 GB простор за складирање и паметна магнетна тастатура почнува од 940 долари. Премиум core i7 верзијата о 16 GB RAM и 512 GB простор и вклучената лизгачка тастатура и M-Pencil пенкало ќе се продава за 1.365 долари. Првата продажба почнува на 1 декември.

Huawei MateStation X

Доколку ги сакате AiO десктоп решенијата, Huawei MateStation X нуди голем 28,2-инчен IPS LCD со резолуција на екранот од 3840 x 2560 пиксели, AMD Ryzen 5 5600H / Ryzen 7 5800H процесори и Radeon графика. Вградени се 16GB RAM и 512GB меморија M.2 NVMe складирање, додека софтверската страна е покриена со Windows 11. Huawei доаѓа со безжична тастатура со вграден отпечаток од прст за автентикација, како и Bluetooth глувче.

MateStation X почнува од 1.570 долари за Ryzen 5 5600H верзијата и оди до 1.880 долари за  Ryzen 7 5800H моделот. Продажбата во Кина почнува на 12 декември.