Канадската астрономка Џенифер Вест од Универзитетот во Торонто создаде компјутерски модел кој сугерира дека Сончевиот систем е опкружен со магнетски тунел, заснована на нејзината хипотеза врз две видливи структури на ноќното небо кои астрономите ги знаат со години, но досега со ништо не се поврзани. Едниот се наоѓа во соѕвездието Стрелец и се протега преку coѕвездијата Шкорпија, Лупус и Кентаур (анг. North polar spur), тоа е голема акумулација на топол гас што се издига над рамнината на Млечниот Пат и емитува Х-зраци и радио бранови и област позната како еден од најдоминантните извори на поларизирано зрачење (анг. Fan region).

По изработката на гореспоменатиот компјутерски модел, Вест верува дека овие структури, кои се направени од јажиња слични на конец, се наоѓаат на 350 светлосни години од Земјата и се долги 1.000 светлосни години.

Овие структури за првпат беа забележани во 1960 -тите, а потоа беа документирани како одвоени, но Вест и нејзините колеги открија дека тие формираат врска која „изгледа како тунел околу Сончевиот систем“.

Тунелот што се витка, со линии кои формираат светла во тунелот како линии на патот, формира геометрија слична на онаа на предложениот модел, истакнуваат Вест и нејзиниот тим.

Ако погледнеме нагоре кон небото, ќе ја видиме оваа структура слична на тунел во речиси секоја насока, се разбира, кога нашите очи ќе можат да ја видат радио светлината, појаснува Вест.

Она што го направи компјутерскиот модел на Вест и нејзиниот тим беше да пресметаат како ќе изгледа небото со радиска светлината гледано од Земјата, што им овозможи на Вест и нејзиниот тим да ја „изградат“ структурата на тој тунел околу Земјата.

Вест ја доби инспирацијата од студијата во која овие структури за првпат беа откриени. Вест тогаш ја разви својата идеја и го поврза својот модел со далеку подобрите податоци достапни од телескопските набудувања денес.

Следниот чекор за Вест и нејзиниот тим е да откријат каква функција има овој магнетски тунел во нашата галаксија.

Магнетните полиња не постојат во изолација. Тие мора да бидат поврзани едни со други. Значи, нашиот следен чекор е подобро да разбереме како тоа локално магнетно поле се врзува за поголемо на галактичко ниво, како и за помалите околу Сонцето и Земјата, вели Вест.

Извор: Zimo.hr