Д-р Беки Мековел Ренч, научничка од Американската вселенска агенција (NASA), тврди дека планетата Марс порано била многу „влажна и потопла“. Таа објасни и зошто мисли така.
Научникот на NASA го започнува видеото со зборовите:
„Кога Сончевиот систем за првпат се формираше пред повеќе од четири милијарди години, Марс и Земјата се формираа од истите нешта, па изгледаа многу слично. Додека денес, кога и да го погледнеме Марс, гледаме многу сува планета во споредба со Земјата, планета богата со вода, но гледаме и докази за езера и потоци што некогаш постоеле на него. Можеби дури имал и плиток северен океан“.
Сепак, вели таа, Марс и Земјата еволуираа поинаку и сега имаме две забележително различни планети.
Видеата направени од NASA содржат скици кои ни покажуваат како би можела да изгледа водата на Марс во однос на денешниот сув терен, пренесува Сан.
Сличностите меѓу двете планети се важни за научниците бидејќи би можеле да им помогнат да бараат знаци на антички живот на Марс.
Д-р Мекоел Ренч продолжува:
„Како што Земјата напредуваше со движењето на тектонските плочи и развојот на животот, геолошката активност на Марс стивна, таа ја загуби водата и стана планета со суша. Тоа е дел од причините зошто е толку фасцинантно да се проучува Марс и ни помага подобро да го разбереме минатото и иднината на таа планета, како и разбирањето на Земјата и планетарната еволуција, како во нашиот сончев систем, така и пошироко“.
Така NASA заклучува дека Марс некогаш личел на Земјата, но тоа веројатно било пред милијарди години.
Некои површини се уште постојат на површината на Марс, но денес во форма на мраз.
Исто така, се чини дека има повеќе вода под површината и научниците продолжуваат да го истражуваат ова.
Извор: Republika.rs