По бројните гласини, Samsung конечно го објави телефонот Galaxy M22 без многу помпа. Уредот е наведен на официјалната веб-страница на Samsung во Германија, со сите спецификации, но без датум на достапност на пазарот и цена.
Galaxy M22 има 6,4-инчен AMOLED дисплеј со HD+ резолуција и стапка на освежување од 90Hz. Во пресекот се наоѓа селфи камера од 13MP, додека на задната страна има главен сензор од 48MP, ултра-широка камера од 8MP, како и макро 2MP и сензор за длабочина од 2MP.
Телефонот работи со MediaTek Helio G80 чипсет, во комбинација со 4GB RAM и 128GB меморија. Android 11 е задолжен за софтверска поддршка, заедно со интерфејсот One UI Core.
Уредот се напојува со батерија од 5000mAh, со поддршка за полнење од 25W. Останатите карактеристики вклучуваат приклучок од 3,5 мм, приемник NFC и сензор за отпечатоци од страната на рамката.
Samsung Galaxy M22 пристигнува во црна, бела и сина боја, а цената и достапноста не се соопштуваат. Гласините од порано сугерираат цена од 240 евра во Европа.
Извор: Benchmark.rs