Во WhatsApp работат на опција која на корисниците ќе им овозможи препознавање на говор и транскрипт на говорни пораки во текстуални.
Испраќањето гласовни пораки преку WhatsApp е посебно популарно кај помладите корисници, кои едноставно не сакаат да се јават на друго лице или да пишуваат порака. Сепак, слушањето такви пораки често не е баш најзгодно.
Поради тоа, WhatsApp работи на опција која ќе им овозможи на корисниците препознавање на говорот и транскрипт на гласовните пораки во текстуални пораки.
Прв тоа го забележа популарниот портал WABetaInfo, кој постојано ги следи новитетите во WhatsApp. Според податоците што им стојат на располагање, оваа опција е првенствено во развој за уредите со iOS, а се уште не е познато дали и кога ќе се појави кај корисниците на Android.
I've reached 100k followers some hours ago. To celebrate this event, I've published an article about voice message transcription, the next WhatsApp feature available in a future update. ? ?
Other changes about #WhatsApp will be announced here soon. Thanks again #100k ? https://t.co/3vEPgwfmsN pic.twitter.com/e2cv3Rpi0v
— WABetaInfo (@WABetaInfo) September 11, 2021
Исто така, не е познато ни кога корисниците на iPhone би можеле да ги претворат гласовните пораки во текстуални. Она што е познато е дека ќе му биде испратена гласовна порака на Apple, која потоа ќе треба да ја дешифрира и писмено да му ја врати на корисникот. Пораката потоа ќе се чува во посебен дел наречен „Транскрипти“ што на корисниците би им го олеснило пребарувањето и читањето пораки.