Во градот Јангкуан во северната кинеска провинција Шанси, неодамна започнале да работат десетици автономни комерцијални возила напојувани од 5G.

Жителите на Јангкуан сега можат да ги користат своите мобилни телефони за да скенираат QR -кодови на автономните возила без возач или продавачи, да изберат и да платат за стоката што сакаат да ја купат, а потоа да ја отворат вратата од фиоката од која можат да ја земат избраната стока.

Возилата без возач се опремени со систем за автономно возење L4, интернет платформа за вештачка интелигенција на возилото, модуларна паметна кутија и можат да се движат по повеќето патишта. Исто така, возилата имаат паметен систем за замена на батерија, што им овозможува да возат 100 километри по пет часа полнење. Возилата се развиени од Neolix Zhihang Technologies.

Според менаџерот на регионот Санкси, Ксу Леи, возилата имаат функции за ладење и греење и можат да пренесуваат стока до заедниците, деловните згради и населбите, како и до болниците и училиштата, користејќи напредна технологија за автономно возење, заштедувајќи работна сила.

Покрај секторот за малопродажба, возилата можат да се користат во различни функции, како што се угостителство, медицина и здравствена заштита, за да им се обезбедат на луѓето разновидни и квалитетни услуги. Повеќето од овие возила наскоро ќе возат во паркот за претприемништво за висока технологија Јанкуан и на други градски локации.

Neolix Zhihang Technologies ќе воведе сеопфатен сервисен систем, кој интегрира собирање податоци, чистење, обележување и други апликации. Целта е на тој начин да се привлечат партнери во различни области, вклучувајќи радар, камери, високопрецизно позиционирање на сателити, инерцијална навигација и 5G, да се населат во Јанкуан и да го развијат градот во национална област за комерцијална примена на возила без возач.

Извор: Republika.rs