Извршниот директор на Qualcomm објаснува како иновациите на компанијата во 5G и пошироко ќе ги трансформираат економиите и општествата

Qualcomm со децении ги дефинира иновациите во безжични мрежи, создавајќи фундаментални изуми во многу генерации мобилни технологии и овозможувајќи постојано подобрување на брзината, безбедноста и латенцијата.

Инженер по професија, Кристијано помина две децении во Qualcomm. Го живееше и го надгледуваше развојот на многу генерации мобилни технологии. Како претседател на компанијата Qualcomm Incorporated, го водеше бизнисот со полупроводници – управуваше со развојот на производите и ја предводеше 5G стратегијата и воведувањето на мрежите. Како Извршен директор, тој сега ќе го води целиот циклус на безжични изуми и иновации на Qualcomm, кои одат во корист на сите сектори во економијата.

Судбината на 5G лежи подалеку од мобилните оператори и паметните телефони. Ќе ја поддржи речиси секоја индустрија – од транспорт и производство до земјоделство, влада, образование и здравство. Ќе работи на сите видови уреди во фабриките, болниците, училиштата, фармите, продавниците, автобусите и компаниите.

Кога се ќе биде поврзано со 5G дигиталниот рбет, ќе можеме да ја искористиме практично неограничената меморија и процесорската сила на облакот, генерирајќи извонредна ефикасност и отклучувајќи ги иновациите.

Qualcomm, истражување и развој и Европа

Кристијано е посветен на континуираното истражување и развој на Qualcomm и иновациите. Тој ќе продолжи да инвестира околу 20 проценти од приходите на компанијата во истражување. Подеднакво фундаментална за успехот на Qualcomm е глобалната мрежа на партнери како што се производителите на автомобили, оператори, индустриски играчи, енергетски компании, влади и универзитети. Qualcomm го искористи овој капацитет кога работеше со лабораторијата Jet Propulsion на НАСА за дизајнирање и развој на хеликоптерот на Марс, Ingenuity (дел од роверот Perseverance кој стигна до Марс во февруари, 2021 година).

Денес, Qualcomm работи во 31 град во 15 европски земји. Во Франција, компанијата отвори нов 5G и 6G центар за истражување и развој во Ланион и објект за безбедносни решенија во Софија Антиполис. Во Германија и Австрија, Qualcomm дизајнира и произведува чипови за радиофреквенции, додека неговите истражувачи/инженери работат на врвни AI достигнувања со Универзитетот во Амстердам, опрема за аудио решенија и 5G тестирање во Велика Британија и модерен инженеринг во Финска.

Отворена стратешка автономија

Европа мора да го реализира својот иновативен потенцијал за да остане глобално конкурентна. Qualcomm е посветен на целта на ЕУ да го искористи 5G за да создаде работни места и економски раст и да ја зголеми економската издржливост преку поотворена стратешка автономија.

Комбинацијата од повеќе фактори ќе помогне да се постигне оваа цел, верува Кристијано. Отворената стандардизација ќе обезбеди критичните технологии како 5G и 6G да се развиваат во отворен глобален процес и поддржани од јавните фондови за зајакнување на имплементацијата, како дел од стратегијата за обновување на ЕУ. Тој смета дека и Qualcomm треба да помогне во реализацијата на европските проекти за R&D и дизајнот и производството на чипсети.

Улогата на Qualcomm во одржливоста

Како заговорник во остварувањето на двојните дигитални и зелени транзиции за одржлива иднина, Qualcomm ја користи одржливоста според дизајн во својот синџир на вредности.

Чиповите на Qualcomm помагаат да се максимизираат перформансите на паметните телефони, со намалување на потрошувачката на енергија. Неговите секогаш поврзани PC чипсети заштедуваат три пати повеќе енергија во однос на конкурентските уреди. Компанијата, исто така, се обврза дека секоја година ќе ја намали потрошувачката на енергија во својот водечки чипсет за 10 проценти.

Образованието и дигиталниот јаз

Овозможувајќи виртуелно образование, 5G го поттикнува растот и економскиот развој, а истовремено помагајќи во затворањето на дигиталниот јаз, влошен од пандемијата.

Кристијано е уверен дека безжичните технологии ќе донесат образование за сите деца во сите заедници низ целиот свет, посебно за оние на кои денес им е недоволно. Ова е исто така духот на Глобалната образовна коалиција на УНЕСКО, на која Qualcomm и се придружи во ноември 2020 година.

Трансатлантска соработка

 Неодамнешниот Совет за технологија и трговија ќе помогне да се задржат САД и ЕУ во лидерските улоги и да се зајакне соработката во технологијата и синџирите на снабдување. Како Извршен директор на компанија со седиште во САД и со длабоки корени во Европа, Кристијано ќе продолжи да ги охрабрува таквите иницијативи и да поттикнува трансатлантски партнерства.

Погледнете го видеото за да дознаете повеќе за плановите на Кристијано Амон за 5G растот и иновациите.