Младата компанија Energypier, со седиште во Баар, Швајцарија, има решение – сака да покрие делови од автопатот во Швајцарија со соларни ќелии, а подоцна да ги надополни со турбини на ветер.
Веќе постојат два проекти: еден во Валаис на рамниот дел од А9 во должина од 1,6 километри во близина на Фули. Таму ќе бидат инсталирани 47.000 соларни панели, кои ќе произведуваат околу 20 гигават часови електрична енергија годишно. Вториот проект се наоѓа во кантонот Цирих. Таму, Energypier сака да ја покрие делницата А4 во Кнонауермт, во три дела со вкупна должина од 2,5 километри, помеѓу Афолтерн ам Албис, Метменштетен и Кнонау. Овој проект би можел да генерира електрична енергија за 20.000 домаќинства.
Сепак, таквите соларни автопатишта се прилично скапи. За посложениот систем предвиден во Цирих, трошокот се проценува на околу 75 милиони швајцарски франци. Во првата фаза, ќе биде финансирано од разни приватни инвеститори, а Energypier исто така се надева на придонеси и инвестиции од федералната влада и самиот кантон. Инсталирањето на системот ќе се изврши без да се наруши сообраќајот.
Швајцарците не се првите со вакви проекти. Во Германија, недалеку од швајцарската граница на автопатот А81 Хегау-Ост, изградбата на фабрика за тестирање соларен покрив треба да започне оваа есен. Тука ќе се користат делумно транспарентни соларни модули. Иако се нешто помалку ефикасни, возачите нема да возат низ темен тунел. Решението на Energypier е слично на галерија отворена од двете страни и нуди двојно повеќе природна светлина од планираниот систем во Германија.
Извор: Додај Гас