Претстојниот Google Pixel 5a телефон се појавуваше во вестите претходно, а ова го вклучува и демантот на Google дека објавата на телефонот е откажана.
Сега новите гласини сугерираат дека достапниот смартфон ќе биде претставен на 26. август, а наводно ќе чини 450 долари.
Кога се во прашање спецификациите, се очекува дека Pixel 5a ќе има 6.4-инчен екран, 765G чипсет, 6GB RAM и 4650mAh батерија. Телефонот нема да има поддршка за безжично полнење, а ќе биде достапен во Mostly Black варијанта.
Се сугерира дека Google Pixel 5a ќе биде објавен само на два пазари – САД и Јапонија, а ќе може да се купи во физичките Google Store продавници или онлајн.