Досега имаше неколку неофицијални информации дека претставувањето на новите Samsung Galaxy уреди ќе биде одржано на 11. август. Последната информација од тој тип практично го потврдува тој датум и укажува дека на настанот ќе бидат претставени Galaxy Z Fold 3 и Galaxy Z Flip 3 телефоните.
Суштински, се работи за тизер, кој е поставен на еден од регионалните сајтови на Samsung. Во него се споменува дека следниот Galaxy Unpacked настан ќе биде одржан на 11. август во 17. часот по московско време. Во тизерот се прикажуваат и силуети на уредите кои асоцираат на флексибилните Galaxy Z Fold 3 и Galaxy Z Flip 3.
Според истата информација, корисниците уште од следниот ден ќе можат да ги резервираат уредите. Информациите од други извори наведуваат дека смартфоните би можеле да бидат достапни во продажба од 27. август. Ова има смисла бидејќи досега Samsung обично имаше простор од две недели помеѓу претставувањето и почетокот на продажба на уредите.
Новиот настан ќе се одржи виртуелно, како и сите настани на Samsung во изминатата година.