Huawei nova 8 серијата досега ја сочинуваат четири телефони: nova 8 5G, nova 8 Pro 4G, nova 8 Pro 5G и nova 8 SE. Овој број сега е зголемен на пет, бидејќи официјално е претставен и Huawei nova 8i.
Nova 8i користи 6.67-инчен FullHD+ LCD екран, наречен „Edgeless Display“ од Huawei, а има 1,3 мм тенки рамки од левата и десната страна, односно 1,35мм за горната рамка. Дисплејот има издолжен отвор за 16MP селфи камера.
На задната страна се сместени четири камери во рамките на кружниот систем. Тука се 64MP главна камера, 8MP ултраширока, како и 2MP макро и 2MP сензор за длабочина. Huawei истакнува дека задната страна има 4D закривеност, која овозможува прецизно заоблени рабови и подобро држење на уредот.
Huawei nova 8i го покренува Snapdragon 662 чипсет, во комбинација со 6GB/8GB RAM и 128GB простор за складирање. На полето на софтвер е достапен Android 10 со EMUI 11 кориснички интерфејс.
Nova 8i од страна на рамката има вграден сензор за отпечатоци од прсти, а уредот го напојува батерија од 4300mAh. Со помош на 66W полначот, кој пристигнува во пакувањето, телефонот се полни до врв за 38 минути.
Huawei nova 8i пристигнува во Moonlight Silver, Interstellar Blue и Starry Black варијанти.