Досега се сметаше дека неандерталците еволуирале во Европа пред неколку стотици илјади години и дека мигрирале во областите на Западна и Централна Азија дури многу подоцна.
Меѓународен тим истражувачи од Универзитетот во Виена, Универзитетот во Тел Авив и Еврејскиот универзитет во Ерусалим дојдоа до нови откритија.
Откритијата од Нешер-Рамле во Израел, стари околу 130.000 години, покажуваат дека претходниците на неандерталците веќе долго време постоеле на Истокот.
Во соопштението се вели дека научниците, предводени од антропологот Герхард Вебер од Универзитетот во Виена, сметаат дека размената меѓу населението во Европа и Азија се случила многу порано. Така, појавата на неандерталците не е ограничена на Европа, што објаснува зошто гените на современиот човек рано продирале во геномот на неандерталците, иако тие не можеле да се сретнат во Европа во тоа време.
Првично, научниците претпоставуваа дека неандерталците во леденото време во Европа постепено се развивале со тогашните климатски флуктуации сè додека конечно „класичните неандерталци“ не ја колонизирале цела Европа и некои области во Левант. Некои од неандерталците дури стигнале и до централниот дел на Сибир.
Сепак, за време на ископувањата во Нешер-Рамла, пронајдени се коски од животни, камени алатки и скоро целосни десни и скршени леви париетални коски, како и добро сочувана долна вилица со заби. Староста на наодите е смалена на период од 120.000 до 140.000 години. Сè уште не е јасно дали овој регион бил извор на првите претходници на неандерталците, но овие откритија сугерираат дека неандерталците немале чисто европско потекло и дека има население претходник низ цела Евроазија.
„Неандерталците исчезнале пред 40.000 години и биле толку слични на современите луѓе што дошло до мешање, па така денес секој од нас сè уште носи некои нивни гени“, се вели во соопштението.
Извор: Klix.ba