Кина и Русија планираат да започнат шест лунарни мисии за да се подготват за изградба на меѓународна вселенска станица на Месечината, соопшти Пеи Џоју, заменик директор на Центарот за истражување на Месечината и вселенска програма на Кинеската национална вселенска администрација (ЦНСА) за време на Конференција GLEX-2021.
Според презентацијата, првата фаза од истражувањето ќе трае од 2021 до 2025 година. Кина планира да испрати три мисии во тој период: Chang’e 4, Chang’e 6 и Chang’e 7, додека Русија планира да лансира автоматска станица наречена Луна 25, лунарниот орбитер Луна 26 и лунарниот лендер Луна 27, пренесува ТАСС.ж
Видеоконцепция создания Международной научной лунной станции ??
После презентации ознакомиться с Дорожной картой и Руководством по участию в проекте #МНЛС можно будет на официальных сайтах Роскосмоса и КНКА pic.twitter.com/DycyqhhPFZ
— РОСКОСМОС (@roscosmos) June 16, 2021
Во мисиите ќе се користат кинеските возила за лансирање CZ-3B и CZ-5, како и рускиот Сојуз-2. Целта на оваа фаза е да се избере област за изградба на станицата и да се развие технологија за многу прецизно слетување на Месечината.
Roscosmos и CNSA на 9 март објавија дека потпишале меморандум во име на нивните влади за меѓусебна соработка при создавањето на меѓународна научна лунарна станица.
Русија и Кина планираат да го искористат заедничкото искуство и технологии за да создадат основа за изградба на база на Месечината. Соработката во оваа област предвидува и проучување на површината на Месечината и спроведување на разни заеднички проекти.
Извор: Klix.ba