Honor ја објави новата серија на своите MagicBook лаптопи, под името MagicBook X. За почеток се достапни два модела, изработени од алуминиум, а во прашање се MagicBook X 14 и X 15.
Двата лаптопа ги покренуваат Intel процесори од 10. генерација, а достапен е избор меѓу Core i5-10210U и Core i3-10110U, со 8GB или 16GB DDR4 меморија. PCIe NVMe SSD дисковите пристигнуваат во капацитети од 256GB или 512GB. Лаптопите поддржуваат батерија со опција на полнење до 65W преку USB-C конектор.
MagicBook X14 има 14-инчен 16:9 1080p IPS дисплеј, додека X15 користи екран од 15.6 инчи. Двата модела имаат TUV Rheinland сертификат за заштита од сино светло и треперење на екранот.
Лаптопот од 14 инчи има тежина од 1,38 кг, додека 15-инчниот модел е тежок 1,56 кг. MagicBook X 14 има и потенки рамки (4,8 мм), додека 15-инчниот лаптоп има 5,8 мма рамки.
MagicBook X14 и X15 за почеток се достапни во Русија, каде се продаваат по цена од околу 690 и 730 долари.