Со секое iOS ажурирање, Apple имплементира подобрувања во својот оперативен систем, заедно со нови функции. Убава вест е дека корисниците кои имаат уред со iOS 13 платформата, изгледа ќе можат да извршат надградба на iOS 14.
Ова го објави The Verifier, кој тврди дека iOS 13 уредите ќе можат да се надградат на iOS 14. Претходно оваа година се појави сличен извештај, па новите информации тоа го потврдуваат. Сепак, во ова не можеме да бидеме сигурни во целост, додека Apple не објави официјални информации.
Уредите кои моментно работат под iOS 13 платформата се iPhone SE, iPhone 6s и 6s Plus, iPhone 7 и 7 Plus, iPhone 8 Plus, iPhone X, iPhone XS и XS Max, како и iPhone 11, 11 Pro и 11 Pro Max.
Се очекува повеќе детали да имаме на 22. јуни, кога Apple ќе ја одржи својата онлајн WWDC конференција за програмери.