Изреката дека мажите мислат со спуштена глава доби ново значење. Една нова студија покажа дека има многу сличности во структурата на машкиот мозок и тестисите, пишува порталот Science Alert.
„Мозокот и тестисите имаат најголем број на заеднички протеини во споредба со другите органи“, објави тимот на португалскиот биомедицински научник Барбара Матос во списанието Royal Society Open Biology.
И додека мозокот има многу сложена улога – тој го контролира нашето тело, ги прима и толкува сигналите на нашите сетилни органи и е единствениот што мисли и чувствува, човечките тестиси имаат само две функции, производство на сперматозоиди и хормони.
Претходните студии покажуваат на тоа дека постојат врски помеѓу сексуална дисфункција и мозочни нарушувања, дури и помеѓу квалитетот на спермата и интелигенцијата. Само по себе тие врски не значат многу, но португалските научници најдоа објаснување зошто тие можеби сепак постојат.
Тие споредиле протеини од 33 типови на ткива, вклучувајќи ги срцето, цревата, матката, јајниците и плацентата и откриле дека мозокот и тестисите имаат 13.342 заеднички протеини. Тоа е потврдено со студии за изразување на гени кои покажале дека овие два далечни органи го делат најголемиот број на гени меѓу сите органи во телото.
Кога проучувале кои од вообичаените протеини се најизразени, Матос и неговите колеги откриле дека станува збор за протеини, претежно вклучени во развојот на ткивата и комуникацијата на клетките. Ова има смисла ако земете во обзир колку двата органи се неочекувано слични.
Мозокот и тестисите се „алчни“ за енергија со цел да имаат „гориво“ за многу тешки процеси како што се размислување и производство на неколку милиони сперматозоиди на ден. Така, двата органи имаат специјализирани клетки за поддршка на многу вредни неврони во мозокот и полни келии во тестисите кои треба добро да се „хранат“.
И покрај сето тоа, и покрај фактот дека нивната цел е многу различна, невроните функционираат слично како сперматозоидите на неколку начини. И двата типа на клетки имаат важна задача да ги придвижат работите одвнатре кон надворешната средина, односно меѓуклеточниот простор, што е процес наречен егзоцитоза.
„Ова е недоволно истражена област и треба да се разјасни врската помеѓу овие ткива, што би помогнало да се разберат дисфункциите кои влијаат на мозокот и тестисите“, напишаа португалските научници.
Иако сопствениците на тестиси можеби не се воодушевени од овој вид биолошко знаење, жените може да заклучат дека тоа има и те како многу смисла. Но, пред да „истрчаат“, ова откритие значи дека и нивниот мозок содржи материјал сличен на оној кај машките полни жлезди, заклучува порталот Science Alert, специјализиран за популарна наука.
Извор: N1info.com