Facebook објави дека наскоро ќе ја прекине својата „специјална врска“ со политичари кои имаат профили на таа социјална мрежа, а главната причина е што тие сакаат нивните модератори на содржини да имаат послободен пристап во модерирањето на објавите на политичарите и другите јавни личности.
Да се биде јавна личност има свои предности, вклучително и статусот на социјалните медиуми каде што нивните објави не се под надзор на модераторот, но тоа наскоро ќе престане да се случува, барем на Facebook.
Злоупотребата на социјалните мрежи и споделувањето дезинформации не се ограничени само на обичните корисници, затоа што се вклучени и влијателни лица, познати личности и политичари. Како што е случај со другите корисници на социјалните медиуми, Facebook повеќе нема да ja врти главата кога политичарите ја злоупотребуваат својата платформа на погрешен начин.
Од избувнувањето на новиот коронавирус и огромната количина на дезинформации на оваа тема, Фејсбук започна масовна кампања против ширење дезинформации на таа социјална мрежа, што на некој начин кулминираше со протерување на поранешниот претседател Доналд Трамп од таа и другите релевантни социјалните мрежи во јануари.
Така, отсега натаму нема повеќе недопирливи на Facebook и секој ќе одговара за своите објави и по цена трајно да биде исфрлен од Facebook.
Извор: Zimo.hr