Huawei утре во Кина ќе одржи голем настан, во текот на кој се очекува официјална објава на Huawei MatePad Pro 2 и Huawei Watch 3 уредите, кои ќе ја користат новата HarmonyOS платформа. Познатиот дојавувач Digital Chat Station во меѓувреме ги објави спецификациите на таблет уредот.
Дојавувачот во својата објава го нарекува таблетот MatePad Pro 10.8, што открива дека ќе користи 10,8-инчен LCD панел, а ќе има резолуција од 2560 x 1600 пиксели.
Уредот ќе го покренува Snapdragon 870 мобилната платформа, а ќе го напојува 7250mAh батерија. Споменатиот оперативен систем ќе пристигне преинсталиран во HarmonyOS 2.0 верзија.
MatePad Pro 10.8 ќе има предна камера од 8MP и камера на задната страна од 13MP. Таблетот ќе поддржува и M Pencil, а ќе има четири звучника. Дебелината на уредот ќе изнесува 7,2 мм, а ќе биде тежок 460 грама.
Дојавувачот не објави информации за цената на таблетот, а Huawei MatePad Pro или MatePad Pro 10.8 ќе биде достапен во Plain Leather боја.