Игнорирање на сигналот за проблеми со моторот, возење со мал притисок во пневматиците и нередовно сервисирање на возилото се работи кои често возачите ги занемаруваат поради немање доволно време, или пари, но со тоа несвесно возењето ги чини поскапо.

Возењето со издишани пневматици значи и поголем отпор на тркалата со патот и со тоа поголема потрошувачка на гориво. Но додека, еден до два процента поголема потрошувачка на гориво, нема да ве чини многу, пораното менување на нерамномерно истрошени или оштетени пневматици е значителна ставка во домашниот буџет.

За правилно одржување, притисокот на пневматиците треба да се проверува еднаш неделно. Правилниот притисок во тркалата, најчесто е означен на шасијата на возилото на десната или левата предна врата.

Возењето со вклучена сијаличка за проверка на моторот, многу често ја зголемува потрошувачката и до 40 проценти. Па така, една поправка што би ве чинела 1 000 денари, на долг рок може да достигне и до 3 000 денари.

Редовното одржување на возилото е многу важно, но тука не е само редовниот сервис, туку е важно и сами да правите неделна или месечна проверка на маслото, водата во ладилникот, како и течноста за кочници или управувачот. Соодветното масло во моторот е многу важно за добро подмачкување, но и побрзо постигнување на работната температура на моторот, а со тоа и помала потрошувачка на гориво.

Редовното одржување може да ви заштеди поголеми трошоци за поправки во иднина.

(ПР текст)