Американските воздухопловни сили почнаа да користат роботи за поефикасно чистење на борбените авиони, пишува Interesting Engineering.
Американската единица 149 Fighter Wing во Тексас тестираше и демонстрираше роботски систем специјално дизајниран за борбените авиони F-16. Системот е во фаза на концепт, а ако се покаже ефикасен и корисен во текот на тестирањето ќе почне да се користи и во други бази за чистење на воени авиони.
На роботот му е потребно еден час чистење на авионот, додека за истата работа се потребни неколку луѓе и повеќедневна работа.
Airmen at the 149th Fighter Wing, Texas, demonstrated an autonomous machine solution for an @AFWERX innovation initiative to potentially be rolled out across the #AirForce to improve #aircraft cleaning and corrosion prevention processes.@AirNatlGuard #AirPower #InnovativeAF pic.twitter.com/PSjtqv8jX4
— U.S. Air Force (@usairforce) May 3, 2021
Освен што чистењето е заморно, може да биде и опасно по здравје поради материјалите кои се користат во процесот на чистење, а кои може да наштетат на белите дробови и на кожата. Поради тоа луѓето мора да носат заштитни одела.
За авионите е потребно детално чистење на секои 180 дена. Чистењето е потребно поради спречување корозија, со што се продолжува животниот век на авионот. Нечистотијата и останатите материјали кои се лепат може негативно да влијаат на алуминиумот на авионот.
Роботите за чистење се развиени од компанијата Wilder Systems, а се дел од AFWERX иницијативата за иновации.
Извор: Klix.ba