Познато е дека Apple Watch нуди разни функции во врска со фитнесот и здравјето. Компанијата го претстави надгледувањето на нивото на кислород во крвта (SpO2) во серијата 6, а Apple може да воведе повеќе вакви функции за здравје и кондиција во идните модели. Според новите извештаи, компанијата би можела да воведе мерење на крвниот притисок, заедно со следење на нивото на алкохол во идните модели на Apple Watch. Ова се совпаѓа со патентот поднесен од Apple, што сугерира воведување на следење на нивото на шеќер во крвта во паметниот часовник. Британската технолошко-здравствена компанија Rockley Photonics потврди дека Apple може да ги користи нивните сензори веќе во 2022 година.
Генералниот директор на Rockley Photonics изјави дека нивната нова технологија ќе биде имплементирана во потрошувачките производи до 2022. година. Меѓутоа, не откри дека сензорите ќе се користат во Apple Watch. Извештајот е во склад со патентот кој Apple го поднесе претходно оваа година. Открива дека производителот на iPhone работи на тоа да го надгледува нивото на шеќер во крвта преку Apple Watch.
Воведувањето на надзор на крвниот притисок во паметниот часовник на Apple се споменува веќе подолго време. Во меѓувреме, се очекува наесен компанијата да ја лансира серијата 7. За неа не се знае многу, а повеќе детали ќе објавиме штом ќе се појават некои нови информации за претстојниот часовник.