Samsung го одржа својот нов Galaxy Unpacked настан во текот на кој јужнокорејската компанија го претстави новото семејство Galaxy Book Pro лаптопи. Оваа линија се состои од Galaxy Book Pro моделот на преклоп и Galaxy Book Pro 360 конвeртибилниот модел. Новите лаптопи ги карактеризираат најновите процесори на Intel во Core i5 или i7 верзии, заедно со  Iris Xe графика. Секој од лаптопите има варијанта од 13 и 15 инчи.

Карактеристиката што се издвојува кај Galaxy Book Pro 360 е Super AMOLED дисплејот, додека Galaxy Book Pro има AMOLED дисплеј, а сите екрани имаат FullHD (1920 x 1080p) резолуција. Дисплеите имаат Eye Care сертификат, а Samsung укажува и на интелигентен механизам за бои кој ги менува профилите на боите во зависност од употребата. Покрај тоа, Galaxy Book Pro 360 има S Pen пенкало со целосна големина.

Galaxy Book Pro семејството на лаптопи поддржува LTE конекција, а 13-инчниот Galaxy Book Pro 360 поддржува и 5G. Тука е и поддршката за Wi-Fi 6E и Bluetooth 5.1, што е очекувано за лаптопи со Intel Tiger Lake процесори.

Преносливоста и издржливоста се во фокусот на овие модели, па така 13-инчниот Galaxy Book Pro има тежина од само 870 грама, додека 15-инчниот Galaxy Book Pro 360 има максимална тежина од 1,36 кг. Двата уреда поддржуваат MIL-STD-810G стандарди на издржливост и се отпорни на падови, ниски и високи температури, влажност, прашина и друго.

Galaxy Book Pro го карактеризираат единствени софтверски фунлкции, како што е интелигентно намалување на бучавата за говорни повици, снимач на екранот и Samsung Studio Plus за обработка на видео. Тука е и Quick Share за брзо делење фајлови со другите Galaxy уреди, лесна Bluetooth конеција за Galaxy додатоците на Galaxy и друго.

На крајот, Galaxy Book Pro семејството лаптопи пристигнува со до 16GB RAM и до 1TB простор за складирање, од зависност од моделот. Лаптопот од 13 инчи има 63Wh bateriju, додека 15-инчните варијанти имаат 68Wh батерија, а сите пристигнуваат со 65W брз полнач. Присутни се 720p HD веб камери, AKG звучници со Dolby Atmos поддршка, а Samsung ја подобри и тастатурата и го направи тракпадот поголем.

Galaxy Book Pro лаптопите ќе се испорачува од 14. мај, по почетна цена од 1000 долари за Galaxy Book Pro од 13 инчи и 1100 долари за 15-инчната варијанта. Galaxy Book Pro 360 има почетни цени од 1200 и 1400 долари за исти големини.