Шпанската компанија SEAT подготвува мал електричен теренец за 2025 година. Новиот модел ќе оди на електричен погон и ќе одговара на димензиите на денешната Arona.
Возилото ќе се заснова на модифицирана платформа „МЕБ-Лајт“, дизајнирана за компактни возила што ќе ја користат и Volkswagen ID1 и ID2, кои ќе се појават на пазарот порано. Шефот на SEAT, Вејн Грифитс првпат го објави планот за новиот компактен електричен модел во февруари.
Тој тогаш рече дека SEAT и Cupra ќе помогнат електричните автомобили да бидат подостапни за пошироката јавност нудејќи градски мал електричен автомобил и дека ова е проект на кој се работи со групацијата Volkswagen.
„Овој сегмент во Европа е огромен и ќе ги менува електричните автомобили. Ќе биде тешко, а полесно е со Porsche Taycan, што е на врвот на пазарот. Кога работите со помали автомобили, заработувањето пари е предизвик“, рече Грифитс.
Верзиите на потенцијалниот дизајн се завршени, а новиот модел најверојатно ќе биде објавен оваа година. Целта е тој да биде подготвен за пазарот до 2025 година. Капацитетот на најголемата батерија ќе биде 45 киловат-часови.