По речиси една година, од кога продавниците на Apple во САД беа привремено затворени, компанијата одлучи повторно да ги отвори. Првобитниот датум на отворање беше закажан уште за 27. март 2020. година, но епидемиолошката ситуација во САД го примора Apple да ги ревидира своите планови и да се адаптира на тогашната ситуација.
Во мај минатата година, отворени беа неколку најважни продавници. Меѓутоа, поради различни причини, вклучувајќи ги и многуте рестриктивни мерки воведени во одредени американски држави, купувачите не можеа да влезат во секоја од отворените продавници.
Воглавно, Apple одлучи од денеска повторно да ги отвори големите продавници во Далас, Хјустон и Сан Антонио, како и сите свои други продавници ширум САД (вкупно 270 продавници). Некои рестриктивни мерки и натаму ќе останат на сила, што првенствено ќе зависи од епидемиолошката ситуација и превентивните мерки кои се пропишани во државата. Тоа значи дека во некои продавници ќе биде можно купување доколку доаѓањето се закаже однапред, а во други купувачите ќе можат само да ги преземат производите „на шалтер“. Apple соопшти дека ситуацијата ќе се менува и дека компанијата ќе се труди брзо да ја прилагодува работата на своите продавници според здравствените препораки и инструкциите што ќе бидат важечки во тој момент.