Австралискиот министер за финансии Џорџ Фриденберг најави дека Facebook ќе ги одблокира информативните страници и потврди дека Владата предложила отстапки и измени на спорниот закон, со кој е предвидено компанијата да им плаќа на издавачите за информативните содржини.
Австралија предложи четири амандмани на спорниот закон, а менаџментот на Facebook соопшти дека се задоволни со предложените отстапки на Владата.
– Задоволни сме што австралиската Влада се согласи на бројни измени и гаранции да и се овозможат на нашата компанија комерцијалните работи кои се подеднакво корисни за издавачите колку и нивната работа за нас, објави компанијата Facebook.
Facebook минатата недела ги блокираше сите содржини со вести и неколку профили на австралиската Влада и Министерството за вонредни ситуации, но по преговорите меѓу министерот Фриденберг и извршниот директор на Facebook, Марк Цукерберг е постигнат договор со соодветни отстапки.