Ова не е прв пат да слушаме приказни за роботи за автономно полнење. Volkswagen всушност го откри својот став кон овие дроиди пред околу една година и сега објави нови детали кои поживописливо ни опишуваат како ќе изгледа футуристичкото полнење.
Роботот за полнење на VW ќе има задача да понуди целосно автономно полнење на електрични автомобили во ограничени места за паркирање и подземни гаражи.
Роботот ќе може да полни преку апликацијата или преку комуникација „Car-to-X“ и ќе се насочува кон возилото независно. Целиот процес се одвива целосно без човечка интервенција.
За полнење на повеќе возила во исто време, роботот ќе поврзе мобилна единица за складирање на енергија со возилото, повторувајќи ја оваа постапка неколку пати. Кога полнењето е завршено, тој самостојно ќе ја собере мобилната единица за складирање на енергија и ќе ја насочи назад до централната станица за полнење.
VW не соопшти кога овие роботи навистина ќе бидат достапни и подготвени за полнење на возилата, но од компанијата тврдат дека тоа ќе се случи наскоро.
Извор: B92.net