Како што се приближува новата година, се забележува поголем број луѓе кои ги посетуваат продавниците и трговските центри, поради набавки, подароци и слично.

Затоа е особено важно да ги следите мерките и да се држите на дистанца, а здравствените експерти понудија совети за да се заштитите од коронавирус кога сте во продавница, а тие исто така открија колку време треба да потрошите во продавницата за безбедно да купите сè што ви треба.

Овие совети се важни, иако продавниците никогаш не се жариште или прв извор на инфекција. Напротив, се вели дека инфекциите се шират најчесто на прослави и големи собири.

Истражувањето спроведено од Српската стопанска комора покажува дека заразувањето со коронавирусот не се случува во малопродажните места, бидејќи таму се почитуваат мерките.

Колку најдолго да се задржите во продавница?

„Се чини дека половина час е вистинското време“, рече Линзи Мар, доктор по аеросолна наука во Вирџинија Тех, објаснувајќи колку брзо можете да ја извршите набавката.

Таа додаде дека можете да го добиете она што ви треба за половина час, без да ризикувате.

Мајкл Остерхолм, член на советничката група за коронавируси на новоизбраниот претседател на САД, се согласува со тоа и додава дека времето на изложување на вирусот е навистина важно.

Мар советува да направите список за шопинг, да носите маска и да не го допирате лицето, како и да држите дистанца. Исто така додава дека временскиот рок од 30 минути не се заснова на одредена студија, туку на работата на експертите за вентилација и други научници кои го анализирале ширењето на вирусот.

Мар ве советува да избегнувате одење во продавница во моменти кога има најголема гужва за да го ограничите контактот со други луѓе. Не се препорачува да одите во продавница во сабота од 12 до 15 часот, бидејќи податоците на Google Maps покажуваат дека тогаш повеќето луѓе одат во продавницата.

Најмалку гужва во продавниците има во понеделник во 8 часот наутро.

Мар исто така наведува дека не е потребно да ја дезинфицирате количката, туку само да внимавате да не го допирате лицето. Не е потребно да носите ракавици, доволно е да ги миете рацете веднаш откако ќе ја завршите продавницата.

Се препорачува бесконтактно плаќање, а можете да понесете и кеса или торба за храна.

Во почетокот на пандемијата, многумина исто така ја бришеа храната, плашејќи се од инфекција со коронавирус. Сепак, научниците утврдиле дека шансата да се заразат на овој начин е многу мала. Мар забележува дека дури и ако заразено лице ја допрело храната што сте ја купиле, сепак вашите раце се оние кои претставуваат поголем ризик за пренесување.

Затоа таа забележува дека миењето на рацете е клучно за да се заштитите.