Huawei во текот на минатиот месец го објави Nova 8 SE телефонот, а сега се појавија информации за тоа дека два нови смартфона од Nova линијата пристигнуваат на 23. декември. Во прашање се Nova 8 и Nova 8 Pro.

Информациите ги објави доверливиот дојавувач од Кина – Digital Chat Station, кој сугерира дека нна новите модели од Nova 8 серијата ќе им се придружи и Enjoy 20 SE. Сите три телефони ќе ги покренуваат Kirin чипсети.

Покрај ова, компанијата на споменатиот датум ќе го претстави и Huawei Watch Fit. Паметниот часовник е најавен во август со 1,64-инчен AMOLED екран, SpO2 сензор, вграден GPS сензор и батерија која нуди до 10 дена работа со едно полнење.

Huawei се уште ништо официјално не објави за новите Nova 8 телефони, но доколку е точна фотографијата што се појави минатиот месец, стандардниот Nova 8 модел може да има четири или пет камери на задната страна.