Астронаутот на NASA, Виктор Гловер, еден од четворицата кои се наоѓаат во капсулата на SpaceX, Crew Dragon објави видео снимка од импресивниот поглед на Земјата од вселената.
Ова е прв пат Гловер да замине во вселената и ова е неговото прво снимено и објавено видео на Twitter.
Астронаутот истакна дека погледот е неверојатен и дека снимката тоа не може да го прикаже вистински. Тој седејќи покрај прозорецот го сними својот поглед на Земјата, кој навистина изгледа импресивно.
My first video from space! Looking at the Earth through the window of Dragon Resilience. The scale of detail and sensory inputs made this a breathtaking perspective! pic.twitter.com/n7b5x0XLIp
— Victor Glover (@AstroVicGlover) November 24, 2020
Претходно оваа седмица Гловер на Twitter објави и фотографија од својот „нов дом“ во кој ќе ги помине следните месеци, работејќи од Меѓународната вселенска станица. За шест месеци, астронаутите ќе работат на разни научни експерименти и ќе одат во вселенски прошетки.