Руските астронаути вчера излегоа од Меѓународната вселенска станица на прва „прошетка“ после година и полoвина, а „на отворено“ се задржаа нешто повеќе од пет часа.

Сергеј Рижиков и Сергеј Куд-Сверчков имаа задача да поминат нешто повеќе од пет часа, објавија од руската вселенска агенција „Роскосмос“.

Мисијата вклучуваше подготовки за инсталирање на истражувачкиот модул „Наука“ кој би требало да пристигне на Меѓународната вселенска станица од рускиот космодром „Бајконур“ во Казахстан идната година.

Повеќенаменскиот модул ќе вклучува технологија која ќе им овозможи на астронаутите да извршуваат одредени задачи без да имаат потреба да ја напуштаат Меѓународната вселенска станица.

Вкупно се планирани десет вселенски прошетки во рамките на подготовките за инсталација на модулот.

На Меѓународната вселенска станица исто така е и американската астронаутка Кејтлин Рубинс и уште четворица астронаути кои пристигнаа на почетокот на оваа седмица со Crew Dragon капсулата на компанијата SpaceX.

Извор: Zimo.hr