Во Дубаи, најголемиот град на Обединетите Арапски Емирати, наскоро ќе се воведе систем за препознавање на лица во јавниот превоз за да се засили нивото на сигурност.
Во овој град веќе се користи биометриски систем за препознавање лица, но само на главниот аеродром.
„Технологијата се покажа како ефикасна во препознавањето на сомнителни и барани лица“, изјави Обаид ал Хатбор, директор на Одделението за безбедност во сообраќајот во Дубаи.
Градот се смета за водечки паметен град на Блискиот Исток, а сака да стане и центар на вештачката интелигенција, пишува Tech Xplore.
Во текот на тестирање, специјалци симулираа евакуација на патници, а за тестирањето е одбрана една од метро станиците каде претходно се случи терористички напад.
Извор: Hayat.ba