Врската помеѓу германскиот остров Фемарн и данскиот остров Лоланд ќе биде најдолгиот комбиниран патен и железнички тунел во светот.

Во Данска започна изградбата на најдолгиот подводен тунел во светот, кој ќе ја поврзе Данска со Германија од 2029 година. Таканаречениот тунел Фемарнбелт ќе биде долг 18 километри, а патувањето од и кон Скандинавија ќе биде значително временски пократко.

Преминот ќе се состои од делови од тунелот потопени во Балтичкото Море и затоа нема да се дупчи во морското дно како што е случајот со тунелот Ла Манш. Врската помеѓу германскиот остров Фемарн и данскиот остров Лоланд ќе биде најдолгиот комбиниран патен и железнички тунел во светот.

Во моментов, за сообраќај мора да се користи траектната линија Путгарден-Родби или алтернативна линија преку Фленсбург и Колдинг, германскиот А7 и данскиот Е45 и Е20.

„Со новата врска, патувањето со воз од Копенхаген до Хамбург веќе нема да трае 4,5 часа, туку само 2,5 часа“ – вели Јенс Оле Каслунд, технички директор на Фемерн А / С, данската државна компанија одговорна за проектот, додавајќи: „Тунелот ќе заштеди околу еден час пат со автомобил“.

Сега е воведена уште една траект линија помеѓу Германија и Данска, која трае околу 45 минути, во најдобреа варијанта. Сепак, времето на чекање може значително да се зголеми, особено во лето. Откако ќе се изгради тунелот, преминот ќе трае 7 минути со воз и 10 минути со автомобил. За изградба на тунелот ќе бидат потребни околу 3.000 луѓе, додека буџетот за изградба е околу 7 милијарди евра.

Изградбата на самиот тунел ќе започне до 2023 година, а за делови од тунелот ќе биде потребна количина на челик еднаква на приближно педесет Ајфелови кули.

Извор: Додај Гас