Xiaomi минатиот месец со Mi Smart Band 5 и Mi Watch Revolve го претстави и Xiaomi Mi Smart Speaker. Сега овој паметен звучник пристигнува во Европа, а според наводите на сајтот Winfuture, Xiaomi наскоро ќе го објави и уредот за Европа.
Покрај тоа, Xiaomi Mi Smart Speaker во Европа пристигнува и во нова боја, а се споменува цена под 60 евра во зависност од пазарот.
Mi Smart Speaker пристигнува со Google Assistant поддршка и има „voice light“ на врвот. Можно е да се добие искуството на стерео звук со поврзување на два Mi Smart Speaker модела преку Bluetooth. Звучникот има 12W 2.5-инчен преден аудио драјвер, со DTS звук.
Дизајнот на уредот го краси матиран финиш преку 0,7 мм тенко метално куќиште. Тука и touch панелот, за контроли и подесување на звукот, play/pause на музичката содржина или стивнување на вградените микрофони.
Xiaomi во звучникот вгради и Hi-Fi аудио процесор на компанијата Texas Instrument, а присутни се и WI-FI и Bluetooth поддршка.