TikTok престана да работи во неколку земји низ светот, а илјадници корисници на популарната видео апликација известуваат за мистериозни исклучувања.
Според веб-страницата Down Detector, повеќе од 3.200 корисници на TikTok пријавиле проблеми со апликацијата во попладневните часови. Корисниците во Велика Британија, Австралија и Холандија се чини дека се најпогодени.
Корисниците се жалат дека воопшто не можат да го стартуваат TikTok, додека други пишуваат дека апликацијата не ги вчитува нивните содржини. Од TikTok не се огласија со објаснување зошто се уште не е познато што предизвикува проблеми во работата на апликацијата.
Извештаите на Down Detector сугерираат дека проблемот е на некој начин поврзан со корисничките имиња, кои воопшто не се појавуваат во апликацијата. Други корисници сугерираат дека падот е поврзан со неодамнешно ажурирање на софтверот.
„Апликацијата целосно се сруши откако ја преземав најновата надградба. Вели дека треба да го сменам корисничкото име. Исто така, не гледам други кориснички имиња. Не можам да гледам никакви видеа и ми кажува дека имам проблем со мрежата”, напиша еден корисник на Down Detector.
Многу корисници додадоа дека се соочуваат со истите проблеми.