Huawei е подготвен наскоро да ја претстави својата Mate 40 линија паметни телефони, но истовремено се очекува и наследникот на флексибилниот модел Mate Xs, за кој веќе некое време се шират гласини. Некои информации сугерираат дека Mate X2 нема да биде достапен во продажба пред следната година, но тоа не спречува да се појавуваат гласини за уредот.
Блогерот @8090 Life Digital на нова фотографија го покажа наводниот Mate X2 во отворена положба. Телефонот изгледа речиси идентично како моделот Mate Xs. Флексибилниот уред ја има истата заштита на екранот и делува како да е во прашање уште едно решение што се преклопува нанадвор, и покрај патентите што се појавија за модел што се преклопува навнатре.
Според гласините, Mate X2 ќе го има истиот 8-инчен екран како Mate Xs, заедно со системот за камери на задната страна. Исто така, се очекува дека ќе го користи Kirin 9000 чипсетот, како и Mate 40 Mate 40.