Играта Football Manager 2021 ќе биде достапна за Xbox One, Xbox Series S и Xbox Series X конзолите во ноември.
Кога ќе се појави на 24 ноември, Football Manager 2021 ќе биде првата популарна симулација која е достапна за Xbox конзолата по повеќе од 10 години. Компанијата Sega планира да ја продава за Xbox One, Xbox Series S и Xbox Series X. Купувачите ќе добијат пристап до актуелната, но и следните верзии на играта. Football Manager 2021 ќе може да се игра и на PC и на Mac, бидејќи ќе биде достапна преку Steam и Epic Games Store.
Од Sega истакнаа дека Xbox верзијата на Football Manager 2021 е базирана на Touch верзија, која компанијата претходно ја објавуваше за iOS и Android уредите, како и за Nintendo Switch. Исто така, играта во целост е оптимизирана за Xbox контролерите.
Xbox верзијата ќе ја поддржува и Microsoft Play Anywhere опцијата, што му овозможува на играчот да го префрли досега сочуваниот напред од Xbox конзолата на WIndows PC.