Како дел од прославата на десетгодишнината од основањето на компанијата, Xiaomi го прикажа транспарентниот телевизор – Mi TV Lux OLED Transparent Edition.
Кога е исклучен, дисплејот на овој телевизор изгледа како парче стакло. Кога е вклучен, делува како сликите да лебдат во воздух, според наводите на компанијата Xiaomi.
Телевизорот има 55-инчен, проѕирен OLED панел, кој веројатно е заснован на 55-инчниот LG транспарентен 55EW5TF-A дисплеј. Тука е и истата стапка на освежување од 120Hz, 10-битни бои и 1ms одзив.
Xiaomi Mi TV Lux OLED Transparent Edition ќе се продава во Кина од 16. август, по цена од околу 7200 долари, а не е познато дали ќе биде достапен надвор од Азија.