Опра Винфри се враќа на својот формат на ток-шоу со нова серија на Apple TV Plus, чиишто први епизоди ќе се фокусираат на расизмот во САД, соопштија Apple и Винфри во понеделникот.
Серијата Oprah Conversation ќе дебитира на 30 јули. Во првата епизода, гостин на Винфри ќе ѝ биде Ибрам Х. Кенди, автор на најпродаваната книга „Како да се биде антирасист“. Тие ќе зборуваат со бели луѓе на тема расизам, се вели во соопштението на Apple и Винфри.
„Време е да ја вратиме хуманоста во разговорите“, напиша Винфри, една од највлијателните жени во САД, на Твитер. „Се надевам дека ќе има разговори што нè обединуваат – а нема да нè делат“.