Honor претстави два достапни таблет уреда: Honor Tablet 6 и X6. Двата модела пристигнуваат сo LCD панели, Android 10 оперативен систем, 5100mAh батерии и Kirin 710A чипсет.

Главната разлика помеѓу двата модела е во големината и резолуцијата на екраните, па така Honor Tablet 6 има 10.1-инчен FHD+ панел, додека Honor Tablet X6 користи 9.7-инчен 1200 x 800p дисплеј.

Таблет уредите имаат системи со два звучника и 2MP селфи камери. На задната страна се наоѓа 5MP камера. Споменатата батерија од 5100mAh се полни преку USB-C порт.

Софтверот пристигнува во вид на Magic UI 3.1 интерфејс, кој е заснован на Android 10. Двата уреда поддржуваат Honor Magic-Pencil стајлус и пристигнуваат со преинсталираните апликации Huawei Education Center and Children’s Paradise.

Honor Tablet 6 Wi-Fi моделот со 3GB/32GB меморија и простор за складирање има цена од околу 185 долари, додека LTE моделот со 4GB RAM и 128GB простор за складирање чини околу 271 долар.

Honor Tablet X6 има цена од околи 157 долари за 3GB/32GB Wi-Fi верзија и околу 171 долари за 3GB/32GB LTE модел.