Apple пред неколку дена објави дека наскоро ќе излезе новиот оперативен систем, а дека macOS X заминува во пензија. Новиот систем ќе излезе во верзијата 11, а ќе го носи името Big Sur. Меѓутоа, на овој настан добивме податоци за многу случувања и возбудлива есен, барем кога Apple е во прашање.

Apple TV 4K од почетокот го имаше 4K во своето име, ознака дека содржините ги прикажува во Ultra HD резолуција. Меѓутоа, од почеток сите снимки од YouTube платформата ги емитуваше исклучиво во највисоката, 1080p резолуција, односно Full HD. Кога ќе пристигне tvOS 14, ништо нема да ги спречи корисниците да почнат да ги гледаат YouTube содржините во 4K резолуција. Како што е забележано, Apple сепак споменал дека новото издание на системот ќе ја овозможи оваа долгоочекувана опција. Не е сигурно што довело до долгогодишен застој на оваа опција, но веројатно се однесувало на промената на форматот на видео записите.

Со години YouTube објавува 4K видеа, користејќи го својот отворен коден VP9. Многу производители на уреди го поддржаа, но не и Apple, кој реши да ја поддржи HEVC технологијата. Прашањето на 4K поддршка на Apple TV би барало едната или другата страна да усвојат една од овие две технологии. Тоа се случи, а ќе остане прашањето кој направил отстапка поради ова.