LG Velvet е објавен на европскиот пазар, по цена од 650 евра (купувачите од земјите во кои е достапен имаат можност со преднарачките да добијат и пакет со бројни додатоци во вредност од 400 евра). Velvet ќе биде достапен во Германија, Шпанија, Италија, Унгарија и Полска.
Оние кои уредот ќе го нарачаат пред крајот на месецот, во пакетот добиваат и LG Dual Screen додаток, LG Tone Free TWS слушалки и заштитна футрола.
Планот на јужнокорејската компанија е телефонот подоцна да го објави и во Северна и Јужна Америка, Средниот Исток, Азија и Африка, но засега нема информации дали овие региони ќе ги добијат истите промотивни предности.
Европската верзија на телефонот е LG Velvet 5G, со Snapdragon 765G чипсет, додека некои други региони би можеле да добијат верзија со 4G поддршка.
Смартфонот е моментно достапен во Illusion Sunset, Aurora Green, Aurora White и Aurora Gray варијанти, а наскоро се очекуваат и Aurora Silver и New Black, кои се ексклузивни за 4G верзијата.