Мај ќе биде многу продуктивен месец за компанијата Realme. Објавата на Realme X50 Pro Player Edition моделот е веќе закажана за 25. мај, а сега е потврдено дека Realme X3 SuperZoom ќе биде претставен на 26. мај.

Веќе се појавија фотографии во живо за Realme X3 SuperZoom, а преку гласините ги дознавме и спецификациите на смартфонот. Секако главна карактеристика на уредот ќе бидат нивните можности за зумирање.

Досега дознавме дека Realme X3 SuperZoom ќе поддржува 5x оптички зум и до 60x дигитален зум, благодарение на својот систем со четири камери. Споменатиот систем го сочинуваат 64MP Samsung GW1 главна камера, 8MP ултраширока камера, 8MP перископ и 2MP макро камера.

Од предната страна се наоѓа 6.6-инчен FHD+ LCD дисплеј со отвор во кој е сместена 32MP Sony IMX616 селфи камера. Екранот има поддршка за 120Hz освежување.

Телефонот покренува Snapdragon 855+ чипсет, со 12GB LPDD4X RAM и 256 GB UFS 3.0 простор за складирање. Батеријата е со капацитет 4200mAh, со поддршка за 30W Dart Flash Charge. Realme X3 SuperZoom ќе биде достапен во Arctic White и Glacier Blue варијантите.