Samsung моментно работи на наследникот на својот прв флексибилен телефон, а веќе се појавија некои детали за Samsung Galaxy Fold 2 моделот. Според последните гласини, уредот би требало да биде објавен во август.
Јужнокорејските медиуми тврдат дека Samsung Galaxy Fold 2 ќе биде достапен во две бои – Martian Green и Astro Blue. Надворешниот дизајн на уредот нема премногу да се разликува од актуелниот модел, но сепак се очекува поголем надворешен дисплеј (Galaxy Fold има 7.3-инчен екран).
Претходно се сугерираше дека Galaxy Fold 2 ќе има поддршка за S-Pen, но новиот извештај тврди дека телефонот нема да поддржува оаметно пенкалце. Исто така, уредот ќе има и помала тежина, која ќе изнесува 229 грама, што е за околу 40 грама помалку од претходникот.
Масовното производство на Galaxy Fold 2 би можело да почне кон средината на следниот месец, додека првите комерцијални примероци би биле подготвени до јуни. Оваа стратегија би му овозможила на Samsung да го го претстави Galaxy Fold 2 заедно со Galaxy Note20 моделите во август.