Lenovo ги објави своите најнови Lenovo Legion лаптопи со тукушто претставените Nvidia и Intel технологии. Legion 5i и Legion 7i лаптопите се меѓу првите кои користат Advanced Optimus свичеви за графика, кои ги нуди Nvidia.
Споменатата технологија ја намалува потрошувачката во помалку тешки ситуации, а ги зголемува перформансите кога се потребни дополнителни GPU ресурси за извршување на задачите. Ова во теорија овозможува подолг работен век на батеријата и повисок фрејмрејт во истиот пакет.
Legion 7i лаптопот има и опција со новата GeForce RTX 2080 Super Max-Q графичка картичка, за оние корисници кои сакаат најдобар можен приказ на содржините,
Двата лаптопа ги користат и најновите Intel мобилни процесори од 10. генерација од Core H-серијата. Lenovo не истакна за кои чипови конкретно се работи.
Кога се во прашање цените, Legion 5i со RTX графилка картичка има почетна цена од 999 долари. Не е позната цената за Legion 7i со RTX 2080 Super Max-Q GPU, додека моделот со RTX 2070 видео картичка чини 1199 долари.