Нови информации се појавија во врска со најпродавниот производ на Apple. Изгледа дека iPhone 12 ќе доцни два месеца со појавувањето на пазарот, во однос на стандардниот распоред на претставување на смартфоните на Apple, кои вообичаено беа претставувани во септември.
YouTube блогерот Jon Prosser, објави на Twitter дека добил дојава за одложување на производството на новиот iPhone и дека поради светската пандемија на коронавирус, наместо во септември или октомври, новиот уред на Apple ќе биде лансиран во ноември. Тоа сигурно ќе ги растажи многубројните обожаватели на iPhone, но сепак, нема да треба долго да чекаат.
Mass production for iPhone 12 is scheduled for May (per usual) but it’s just not going to make it.
Regardless of production, Apple is still (already) ~2 months behind schedule with iPhone 12.
Remember the tiny release delay on iPhone X in 2017? Yeah. Expect that.
— Jon Prosser (@jon_prosser) March 24, 2020
Тој објаснува дека иако iPhone 12 е планиран за масовно производство во мај, тоа и натаму нема да биде доволно време за планираното лансирање во септември. До тоа доаѓа бидејќи Apple не ги испраќа директорите од Америка во Кина за да го одобрат завршниот дизајн, бидејќи во сила е забраната за летови, а тоа повторно значи дека фазата во која прототипот веќе требало да биде готов, се уште не е завршена, што предизвикува дополнителни доцнења.