По објавата на Galaxy S20 линијата, тимот на Samsung сега работи на следниот премиум модел на компанијата – Galaxy Note20.
Samsung вообичаено во Galaxy Note линијата ги имплементира најсилнките карактеристики, меѓутоа со Note20 серијата би можел да има поинаков пристап. Гласините сугерираат дека SM-N981 варијантата на Galaxy Note20 пристигнува со 128GB простор за складирање. Ова би бил необичен потег на јужнокорејската компанија, посебно откако Galaxy Note10 и Note10+ беа достапни со 256GB основна интерна меморија.
Можно е Samsung да се врати на 128GB основен простор за Galaxy Note серијата за да го намали својот BOM (Bills of Material). Од друга страна, вклучувањето на 128GB опцијата би можело да значи дека Note линијата овој пат ќе има и microSD слот.
Note20 серијата, како Galaxy S20 линијата, би требало да има поддршка за снимање на 8К видеа. Со оглед на тоа дека минута 8K видео на S20 моделот зазема околу 600 MB простор, 128GB основна интерна меморија можеби нема да им биде доволно на голем број Note20 корисници.
Останува да се види дали ќе се остварат информациите за Samsung Galaxy Note20 модел со 128GB основен простор, а дотогаш е потребно да се земат со резерва.