Фосили од желки со големина на автомобил се пронајдени во северниот дел на Латинска Америка.

Се верува дека желката со научно име „stupendemys geographicus“, на тоа подрачје живеела пред околу 7 до 13 милиони години.

Фосилите биле пронајдени во пустината Татакоа во Колумбија во регионот Урмако во Венецуела.

Првите фосили од овие желки пронајдени се во 1970-те години, но животните долги до четири метри и понатаму се вистинска мистерија за научниците.

Овие животни со големина и тежина на автомобил ги населувале големите мочуришта во областите ширум Јужна Америка, уште пред да бидат формирани реките Амазон и Ориноко.

Мажјаците ималe издолжен преден дел од оклопот во облик на рогови, а длабоките рани на фосилите упатуваат на тоа дека ги користеле како копје при борба со нивните противници.

Научниците велат дека пронашле оклоп долг три метри и долна вилица што им дало повеќе податоци за ихраната на желките.

Тие веруваат дека џиновските желки живееле на дното од езерата и реките, заедно со џиновските крокодили и се хранеле со различни мали животни, билки, овошје и семиња.

Нивната величина била клучна во одбраната од останатите предатори, а научниците пронашле еден фосил во кој имало забоден заб од крокодил.

Извор: B92.net